ST ANGE LAB
INTRODUCTION
Digital Supply Chain (DSC) kan ni a, DSC tih ringawt chuan a huam zau hle a, Distributor ti pawhin a sawi theih a, a dikna lai chen awm mahse, DSC tih hian a huam kim zawk awm e. Digital Service Provider (DSP) hrang hrang; Spotify, Apple Music, Amazon Music leh a dang tam tak bakah tunlaia min luah hneh tak, YouTube Content ID-ah te in hla kan dah sak a, heng hlate hian hlawh an neih ang ang, chu DSP-te hian min rawn thawn leh a, Artist/Label leh copyright neitute hnenah kan thlen sak leh a, hei hi Digital Supply Chain chu a ni ti ila, a fiah teuh ber ang.
YouTube Content ID hi sawizau ngai deuh mai a ni a, hemi rual hian Copyright chungchang pawh tlem azawng kan sawi ang a, a aia kimchangin kan blog-ah post chhiar tur kan la rawn dah dawn nia.
COPYRIGHT
Hla reng reng hi phuah rualin copyright a awm nghal a - a hla thu (lyrics) leh a thluk (melody/music) tan bik, Composition Rights a awm a, Hla hi record a nih hunah, a satu, Artist emaw Label/Producer tan, Master Right a insiam ve leh bawk a ni.
Heng right neitute hi Copyright neitu kan tih chu a ni a, an right hrang hrangte hi insu buai lo turin ruahmanna a awm vek a, a phuahtu phalna lovin hla sak phal a ni lo a, sak phal a nih loh chuan lo record pawh phal a ni chuang lo a ni.
YOUTUBE
YouTube kan tih hian a huam zau hle a, kan hriat tam si loh, a laimu ber chu Content Management System (CMS) an tih hi a ni.
CMS hi chi hnihin then mai theih a ni a, pakhat chu tuna Channel kan tih hi a ni a, kan nei fur a, mahse Channel hian a huam zim hle a, a aia zau zawk khuh phak leh zaimite tan bika siam chu Topic kan tih hi a ni.
YOUTUBE CHANNEL LEH TOPIC
Channel neite hi Creator an ni a, an upload reng reng hi Video a ni. An tan hian YouTube chuan Copyright enkawl theihna chi hrang 3 a nei a, mahnia va tih chawp ngai chi vek a ni.
Topic hi Artist emaw Label-te chauhin an nei thei a, an hla upload hi Art Track a ni a, an tan chuan Copyright enkawl dan hi a danglam daih a, an thil upload an monetize theih dan pawh a danglam hle a ni.
YOUTUBE MONETIZATION
Creator-te chuan an channel-a an video upload an monetize thei a, an channel pawn lam ami chu an monetize thei lo a, midangin an lo upload ve anih chuan copyright enkawl thiehna an neih hmang khian an claim ve thei a, paih turin an dil thei a, hei hian channel hrang hrang inkar pawh a tibuai fo reng a ni.
Artist-te chuan channel thliar loin, Art Track an upload hi an monetize thei a, Channel pakhat chauhah ni lo in, YouTube pumpuiah, midang daih channel ami pawh an va claim a, an monetize thei a, hei hi Copyright Claim kan tih thin kha a ni. Art Track hi upload tur chuan YouTube Content ID khawih theih a ngai a, a khawih theite chu Publishing Company emaw, Digital Supply Chain-te an ni.
TOPIC LEH OFFICIAL ARTIST CHANNEL (OAC)
Topic nei tur chuan Label neih emaw Independent Artsit nih a ngai a, hei lo hi chu kawng dang a awm lo a, he kawng hi “Digital Supply Chain” kan tih chu a ni.
Topic Channel hi YouTube-in Artist-te tan bika siam a ni a, Creator Channel (Channel pangngai) leh Topic Channel inkawp hi Official Artist Channel (OAC) an ti a, Verified Channel a ni nghal bawk a, Channel hming bulah, OAC chhinchhiahna music note lem a awm thin bawk a nii.
DSP LEH AN TIH TUR
DSP chu music service hrang hrang, Digital Service Provider (DSP) -te hnena hla petute hi an ni mai a, heng - YouTube, Spotify, Apple Music, Amazon leh a dangte hi DSP vek an ni a, hla stream/play emaw, download emaw, lei theih turin an chhawp thin a ni.
YouTube pawh hi DSP a ni a, Video dah leh enna hi a lar ber vangin kan hre em em a, Art Track ngaihthlak theihna (DSP/Streaming Platform) an nei ve tho a, chu chu tunlaia an fak nasat em em - YouTube Music hi a ni.
DSP/Streaming Platform ah miin hla an ngaihthlak (stream) hian hla an hralh tihna a ni mai a, an hnena hla dahtu, Label emaw, Company emaw, hnenah royalty an pe thin a, royalty an thawnna kawng pawh hi, Digital Supply Chain tho hi a ni.
DISTROCHEMY - I TANGKAI PUI THEI
Distrochemy hi hming a neih hma pawha MDM nena thawkdun reng kan ni a, Digital Rights Management lam khawih thin kan ni. Kum 2019 tawp lam khan Stacy te in leh MDM adviser, Pu Maenga inah MDM nen kan inkawm a, Digital Distribution leh Management hi kan tih mek lai a nih tho avangin, insengso belh loin MDM hian chhawr ve rawh se kan ti a, kum 2020 January atang khan MDM artist 15 vel nen hla kan release tan a ni.
DSP hrang hrangte nen inremna (deal) kan neih hnuah Distrochemy Store hi kan buatsaih a, Artist/Label te'n mahni ngeia an assets an lo buaipui theihna atan leh, royalty pawh an duhna account-a an lakchhuah theihna tur te kan dah a, November 2021 khan St Ange Lab hi hman theihin kan dah ta a ni.
Distrochemy hi a duh apiang hman theih tura siam a ni a, hnam dang rawn inziaklut awm ve bawk mahse, Mizo artist-te tan chuan a thlawna join theih reng a ni. Distrochemy Store atang hian a duh apiangin hla an release thei a, an hla in stream a neih dan te, royalty a hlawh dante a en thei vek a, engkim langtlangin dah a ni.
DSP lian - Spotify, Apple Music, Amazon, JioSaavn leh a dang tam takah hla kan thlen thei a, YouTube Art Track upload theihna Content ID pawh a thlawnin kan pe a ni. Hnampui zawkte'n sumdawnna atan Distribution hi an nei fur mai - CD Baby, TuneCore, Ditto, Landr, Distrokid, a tam ltk, mahse chawi belh ngai lo in service engkim kan dah nghal vek a, an ni aiin senso pawh kan tihniam zawk fe a, kan el phak viau mai.
YouTube Content ID hi kan ngai pawimawh hle a, hei hian in hla midangin an lo upload ve te, lyrics video an lo upload te leh, an video-a in hla an lo hman te, in live performance an lo upload te thlengin copyright in claim theihna tur a ni. Hei hian a ken tel chu nangmahni mimal channel (Creator channel kan tih kha) lama in upload pawh St Ange Lab atang hian in va claim ang a, in mimal channel ni lo ami pawh a claim tel vek dawn tihna a ni.
DSP bakah hian in hla miin an lo hman theihna hrang hrang - Instagram reel/story/video te, Facebook-ah te, Snapchat leh TikTok thlengin in hlate hi dah theih a ni a, miin an lo hmang anih chuan heng company-te hian royalty an rawn pe zel ang. Hetiang hi User-Generated Content (USG) tia sawi a ni a, ngaithlatu thenkhatin in hla hmanga anmahni video emaw an lo siam hian USG kan ti a, royalty a awm ve zel tho a ni. A neitu nihna tarlan hi kan ngai pawimawh hle a, hla phuahtu hming tarlan atanga publisher/producer hming bakah label hming thlengin tarlan theihna kan dah sa vek a, Distrokid hmangtu thenkhatin - Provided to YouTube by Distrokid, Licensed to YouTube by “Interstreet Recording” tih ang kha a awm ve lo a, Label service tak tak, zalenna kan pe tel vek a, “Provided to YouTube by Hlimhlimi” tih te, “Licensed to YouTube on behalf of Hlimhlimi” tih te, i duh dan thlapin, kan rawn tarlang thlap zel ang.
ROYALTY RATE LEH LICENSE FEE
Royalty hi St Ange portal-a in account-ah direct-in a rawn lut zel a, duh duh huna lo lakchhuah mai tur a ni a, tin hla tinah royalty la ve tur dang (split tur) an awm anih chuan portal-ah vek hian dah nghal theih vek a ni a, hla phuahtuin hauh chin a lo nei a nih pawhin, a email ID i dah lut ang a, a thlawnin account a rawn hawng ang a, royalty chu ama account-ah chuan a lut zel mai ang.
Kan royalty rate hi 10% a ni a, Australian Dollar-in payment hi kan pe a ni. Royalty lakchhuah dawn hian mahni bank account-ah lak theih a ni a, currency conversion fee leh bank lamin charge hrang hrang an siam ve thin avangin, 10 AUD (Australian Dollar) tal royalty lakchhuah tur neih phawt a ngai thung a ni.
Senso hi awm lo thei lo a, a hnuaiah hian hla release tura sen ngai zat tarlan a ni.
HLA RELEASE MAN
SINGLE
Hla 1 atanga 3
₹ 300
ALBUM
Hla 7 atanga 25
₹ 900